Video Editing အခြေခံ လေ့ကျင့်ခန်း အပိုင်း-သုံး
ကျနော်လက်တွေ့ အသုံးချခဲ့တဲ့ ဒီ Video Edit လုပ်နည်းတွေကို သီချင်း ၁၂-ပုဒ်ပါတဲ့ Master DVD တစ်ချပ် ဖန်တီးလို့ရတဲ့အထိ ကျနော်ပိုစ့်တွေ အပိုင်းလိုက် တစ်ခုပြီးတစ်ခု မကြာမကြာ ဆက်တင်ပေးသွားပါမည်..။ အဲ့ဒီ ဖန်တီးပြီးတဲ့ DVD မှာ.. DVD Player နဲ့ ဖွင့်တဲ့အခါ သီချင်းတွေကို တစ်ပုဒ်ပြီးတစ်ပုဒ် Next နဲ့ ကျော်ကြည့်လို့လည်းရမယ်၊ Previous နဲ့လည်း နောက်ပြန်ဆုတ်လို့ရမယ်၊ DVD Player စက်ထဲက အခွေထည့်လိုက်တာနဲ့ Menu မှာ မိမိထားလိုတဲ့ video ဒါမှမဟုတ် ဓါတ်ပုံနဲ့ နောက်ခံ တေးသီချင်းကိုလည်း ထည့်သုံးလို့ရမယ်၊ Play နဲ့ Select Screen စတဲ့အပိုင်တွေကိုလည်း တခုစီ ရွေးဖွင့်ကြည့်လို့ရမယ်၊ ဒီလုပ်နည်းက DVD တစ်ချပ်ထဲမှာ ရုပ်ရှင် video ဇတ်ကားတွေ အများကြီး ထည့်နည်းနဲ့ လုပ်နည်းတူပါတယ်..။ ဒါကြောင့် မသိသေးတဲ့ လေ့လာခါစသူများကတော့ နောက်ပိုင်း ပိုစ့်တွေကိုလည်း ဆက်လက်လေ့လာဖို့ လိုအပ်ပါတယ်..။
ဒီနေ့အပိုင်း(၃)ပိုစ့်မှာတော့.. Power Director နဲ့ သိမ်းထားခဲ့တဲ့ အရင်နေ့က Project ဖိုင်လေးကို ပြန်ဖွင့်ယူပြီး၊ 2D Title တခု ဖန်တီးပြီး စာသားတွေ ရေးထည့်တတ်အောင်၊ စာသားတွေ အရောင်ပြောင်းတတ်အောင်၊ စာသားတွေကို ပိုမိုထင်ရှားပေါ်စေမယ့် Border လိုင်းလေး ထည့်သုံးတတ်အောင်၊ သီချင်းစာသားတွေ တခုနဲ့တခု အဝင်အထွက်တွေ ကိုက်ညီအောင်၊ ချိန်တတ်အောင် ဒီနေ့ပိုစ့်မှာ သေချာရှင်းပြပေးထားပါတယ်..။ ဒီနေ့ အပိုင်း(၃)ပိုစ့်ကနေလည်း အပိုင်းတစ်ပိုင်းကို 300 MB စီနဲ့ အပိုင်း-၃ ပိုင်းနဲ့ခွဲတင်ပေးထားတဲ့ Cyber Link Power Director 11 ဒေါင်းယူလို့ရအောင် အရင်ပိုစ့်က လင့်တွေကို ပြန်ချိတ်ပေးထားပါတယ်..။ ဒီနေ့တင်ပေးလိုက်တဲ့ လေ့ကျင့်ခန်း အပိုင်း(၃) ပိုစ့်မှာ သီချင်းစာသားတွေ ရေးထည့်တတ်အောင် ၊ စီတတ် နေရာချတတ်အောင် လေ့လာခါစ လူသစ်တွေအတွက် သေချာနားလည်အောင် ရှင်းပြပေးထားတာဖြစ်လို့ လိုအပ်တဲ့သူများကတော့ အောက်မှာပုံလေးတွေနဲ့ ဆက်ကြည့်နိုင်ပါပြီ..။
Cyberlink Power Director 11
အရင်နေ့က Save Project နဲ့ သိမ်းထားခဲ့တဲ့ ကျနော်လုပ်လက်စ Project ဖိုင်လေးကို ဒီနေ့ ပြန်ဖွင့်သုံးမှာ ဖြစ်လို့ အောက်ကပုံလေးအတိုင်း Power Director ရဲ့ File >> Open Project ကနေ သွားပြန်ဖွင့်ယူပါတယ်..။
အပေါ်ပုံလေးအတိုင်း Project ကို ဖွင့်လိုက်တဲ့အခါ ပေါ်လာရင် Yes or No ကြိုက်တာပေးပါ..။ ကျနော်ကတော့ Yes ပေးလိုက်ပါတယ်..။ ဒါဆိုရင် အရင်နေ့က သိမ်းထားခဲ့တဲ့ Project ဖိုင်လေး Power Director ထဲကို ပြန်လည်ရောက်ရှိလာပါပြီ..။
အောက်ကအဆင့်မှာတော့ ကျနော်တို့ Video Edit လုပ်နေတဲ့ Time Line ထဲကို သီချင်းစာသားတွေ ရိုက်မထည့်ခင်၊ အရင်ဆုံး သီချင်းတစ်ပုဒ်စီရဲ့စာသားတွေကို ဒီလိုလေး Notepad လေးမှာ အရင်ရေးထားလိုက်ရင် အသုံးပြုရ၊ အလုပ်လုပ်ရတာ ပိုပြီး အဆင်ပြေပါတယ်..။ ဒါကတော့ ကျနော်အသုံးပြုခဲ့တဲ့နည်းပါ..။ Video Edit မှာ စာသားတွေ ထည့်ဖို့အတွက် အောက်ကပုံလေးအတိုင်း ကျနော် Notepad မှာ ရေးထားခဲ့တဲ့ စာသားတစ်ကြောင်းကို copy ယူပါတယ်..။
ပြီးရင်တော့ နောက်တဆင့်မှာ အရင်ဆုံး စာသား ဖန်တီးမှာ ဖြစ်လို့ အောက်ကပုံလေးအတိုင်း 2D Title တခုကို ယူပါ..။
အောက်ကပုံအတိုင်း ဆက်ပေါ်လာရင်တော့ အနီဝိုင်းပြထားတဲ့ နေရာတွေမှာ အောက်က ဒုတိယပုံလေး အတိုင်း ဆက်လက်ပြောင်းပေးပြီး၊ အပြာရောင်နဲ့ ပြထားတဲ့ My Title နေရာမှာ.. အပေါ် Notepad မှ copy ယူလာတဲ့ စာသားကို paste နဲ့ ထည့်လိုက်ပါတယ်..။
အောက်ကပုံလေးအတိုင်း စာသားလေး ပေါ်နေမှာ ဖြစ်ပါတယ်..။ မျှားနီပြထားတဲ့ Border နေရာမှာတော့ စာလုံးတွေကို ပိုမိုထင်ရှားအောင် ပေါ်နေစေဖို့ စာလုံးဘေးမှာ ဘောင်ကွတ်ပေးလိုက်တဲ့ နေရာပဲ ဖြစ်ပါတယ်..။ ဒီအဆင့်ကလည်း လိုအပ်ပါတယ်..။ မိမိတို့ အသုံးပြုတဲ့ video မှာ အဖြူရောင်များတဲ့ နေရာတွေ၊ သို့မဟုတ် စာသားအရောင်နဲ့ တူနေတတ်တဲ့ video ကာလာ နေရာတွေမှာဆိုရင် ဒီလို စာလုံးကို ဘောင်ကွတ်ပေးထားခြင်းဖြင့် ပိုမိုထင်ရှား ပေါ်နေစေမှာပဲ ဖြစ်ပါတယ်..။ အောက်ကပုံလေးအတိုင်း ကျနော် စာလုံးကို ဘောင်ထပ်ပေးလိုက်ပါတယ်..။
နောက်တခု အောက်ကပုံလေး ၂-ခုမှာ TV Safe Zone ကို ON ထားပေးခြင်းဖြင့် အပြာရောင်နဲ့ ဘောင်ခတ်ပြထားတဲ့ TV မှာ ကြည့်တဲ့အခါ ပေါ်နေမယ့် ဘောင်အနားတွေကို ချိန်ယူပြီးသား ဖြစ်ပါတယ်..။ တနည်းအားဖြင့် မိမိတို့ ရေးထည့်ထားတဲ့ စာသားတွေဟာ TV မျက်နှာပြင်မှာ အလယ်မှာ ပေါ်နေစေချင်တာလား၊ ဘေးမှာ ပေါ်နေစေချင်တာလား စသဖြင့် နေရာကို ချိန်ယူတတ်ဖို့အတွက် အသုံးဝင်ပါတယ်..။ ဒါကြောင့် ကျနော်က အပေါ်ပိုင်းမှာ ကတည်းက ON ပေးပြီး သုံးခဲ့တာပါ..။
Grid Line တွေကလည်း စာသားတွေကို ချိန်တဲ့အခါ အသုံးဝင်တဲ့အတွက် ကြိုက်တာကို ရွေးသုံးပါ..။ ကျနော်ကတော့ အောက်ကပုံလေးအတိုင်း အသုံးပြုပါတယ်..။ ဒီနေရာမှာသာ ဒီလိုပေါ်တာဖြစ်ပြီး Time Line ထဲကို ရောက်တဲ့အခါ ဒီလိုင်းတွေ မပေါ်ပါဘူး..။
အောက်ကပုံလေးအတိုင်း စာသားကို မိမိစိတ်ကြိုက် ထားလိုတဲ့နေရာမှာ ချိန်ထားပါ..။ ပြီးရင်တော့ Save As နဲ့ အရင် သိမ်းလိုက်ပါတယ်..။
ကျနော်က အပေါ်ပုံအတိုင်း Titlt အသစ်ဖြစ်လို့ 2D လို့ နာမည်ပေးပြီး OK နဲ့ သိမ်းလိုက်ပါတယ်..။ ပြီးရင်တော့ အဲဒီ 2D Title လေးကို အောက်ကပုံလေးအတိုင်း မောက်စ်နဲ့ ဖိဆွဲပြီး Time line ရဲ့ ဒုတိယ ဖလင်ပုံလေးရှိတဲ့ 2. နေရာမှာ မှာ ဆွဲထည့်လိုက်ပါတယ်..။ တချို့က T ပုံရှိတဲ့ Time Line ထဲမှာ စာသားတွေကို ထည့်ပါတယ်..။ အဲလိုလည်း ထားလို့ရပါတယ်..။ ဒါပေမယ့် ကျနော်က စာသား ၂-ကြောင်းနဲ့ သီချင်းတွေ ဖန်တီးမှာ ဖြစ်လို့ video ထည့်တဲ့ Time Line ပေါ်မှာပဲ ထားပြီး အသုံးပြုပါတယ်..။
အပေါ်ပုံလေးအတိုင်း စာသားဖိုင်လေး ရောက်လာရင်တော့ သီချင်းအသံနဲ့ ကိုက်ညီအောင် ရှေ့တိုး နောက်ဆုတ် ချိန်ယူပါ..။
အောက်ကပုံမှာတော့ Time Line 2. ပေါ်မှာ ရှိပြီးသား စာသားဖိုင်ကို copy ယူပြီး Time Line 3. ပေါ်မှာ paste နဲ့ နောက်တစ်ခု ထပ်ပွါးယူပါတယ်..။ ဒါကတော့ နောက်ထပ်စာသားတွေကို တစ်ကြောင်းချင်းစီ ဒီလိုနည်းနဲ့ ယူထည့်မှာပဲ ဖြစ်ပါတယ်..။
အပေါ်ပုံအတိုင်း Time Line 3. ပေါ်မှာ နောက်တခု ပွါးယူ ထည့်ပြီး အောက်ကပုံလေးအတိုင်း ပွါးယူလိုက်တဲ့ ဖိုင်ကို Modify နဲ့ နောက်ထပ်စာသား တစ်ကြောင်းကို အောက်ဆုံးပုံလေးတွေအတိုင်း တခုစီ လိုက်ထည့် ချိန်ယူပါတယ်..။
အပေါ်မှာ Modify ကို နှိပ်ပြီးတာနဲ့ အောက်ကပုံလေးအတိုင်း ဒုတိယစာကြောင်းကို copy ယူပြီး paste နဲ့ ထည့်ပေးလိုက်ပါတယ်..။
အပေါ်ပုံမှာ အရင်စာကြောင်းနေရာမှာ paste နဲ့ ထည့်ပေမယ့် နောက်ထပ်အသစ်နေရာမှာ ပေါ်လာရင်လည်း အရင်စာသားကို ဖျက်ပစ်လိုက်ပါ..။ အောက်က ဒုတိယပုံအတိုင်း မိမိထားလိုတဲ့ နေရာကို မောက်စ်နဲ့ ဖိဆွဲထားလိုက်ပါ..။
အပေါ်ပုံတွေအတိုင်း နေရာချ စိတ်ကြိုက်ချိန်ယူပြီးရင်တော့ Save ကို နှိပ်ပြီး သိမ်းပါ..။ အောက်ကပုံလေးအတိုင်း ဆက်ပေါ်နေမှာ ဖြစ်ပါတယ်..။ အဲဒီမှာ စာသားဖိုင်တွေကို အကြီးချဲ့ပြီး ကြည့်မှ လိုသလို ချိန်ယူလို့ ရမှာ ဖြစ်တဲ့အတွက် ကျနော် မျှားပြထားတဲ့အတိုင်း Zoom နဲ့ ဆွဲ ကြီးပြီးမှ ချိန်ယူပါတယ်..။
စာသား ၂-ခု အဆုံးနဲ့အစမှာ သံစဉ်အတိုင်း ညီညာမှုရှိအောင် အပေါ်ပုံအတိုင်း play နဲ့ အရင်ချိန်ပါ..။ သံစဉ်အပြီးမှာ စာသားပေါ်တာ ကျန်နေသေးရင်တော့ အောက်ကပုံလေးအတိုင်း မောက်စ်မျှားနဲ့ အဆုံးနေရာကို ဖိပြီး ရှေ့ကို တိုးပြီး တိုပေးလိုက်ပါ..။ လိုအပ်ရင်တော့ အဲ့ဒီနေရာမှာပဲ ဖိဆွဲပြီး နောက်ကို ပြန်ဆွဲထုတ်ပါ..။
အပေါ်နဲ့ အောက်ကပုံအတိုင်း ဒုတိယ စာသားဖိုင်ကို ချိန်ယူလို့ပြီးရင်တော့ ပထမ စာသားဖိုင်ကို ထပ်ပြီး copy ယူပါတယ်..။ ဒါကတော့ တတိယ စာကြောင်းအတွက် ယူတာပါ..။
ပြီးရင်တော့ Time Line 2. ပေါ်မှာပဲ တတိယ စာကြောင်းအတွက် အောက်ကပုံလေးအတိုင်း paste နဲ့ ထည့်တင်လိုက်ပါ..။ တတိယစာသားဖိုင် ပေါ်လာတာနဲ့ Modify ကို နှိပ်ပြီး အပေါ်ကနည်းတူ စာကြောင်းကို Notepad မှာ copy သွားယူပါတယ်..။
တတိယ စာကြောင်းကို copy ယူပြီးတာနဲ့ အပေါ်ပိုင်းက နှိပ်ဖွင့်ခဲ့တဲ့ Modify ဘောက်စ်ထဲမှာ အောက်ကပုံအတိုင်း paste ထည့်ပြီး၊ အပေါ် ဒုတိယ စာကြောင်းကို လုပ်ပြခဲ့တဲ့နည်းတူ မိမိတို့ထားလိုတဲ့နေရာကို မောက်စ်နဲ့ ဖိဆွဲပြီး အောက်မှာ ပြထားတဲ့အတိုင်း သွားထားပေးလိုက်ပါ..။
စိတ်ကြိုက်ချိန်ထားလို့ ပြီးရင်တာ့ Save လိုက်ပါတယ်..။ အောက်ကပုံအတိုင်း အဝါရောင်နဲ့ ပြထားတဲ့ စာသားဖိုင်လေး ပေါ်နေပြီး အပေါ် ဒုတိယ စာသားဖိုင်ကို အသံအပြီးနဲ့ ချိန်ယူ လုပ်ပြပေးခဲ့တဲ့အတိုင်း တတိယ စာသားဖိုင်ကိုလည်း အသံနဲ့ ချိန်ယူ နေရာချပါ..။ ပြီးရင်တော့ စတုတ္ထစာကြောင်းအတွက် အောက်ကမျှားနီပြထားတဲ့ ဒုတိယ စာသားဖိုင်ကို copy ပြန်ယူပါ..။
စလေ့လာခါစသူများအတွက် ဒီအဆင့်တွေမှာ ရှုပ်နေနိုင်ပါတယ်..။ ဒါပေမယ့် လုပ်ပါများလာရင် နားလည် သဘောပေါက်သွားမှာ ဖြစ်ပါတယ်..။ Time Line 3. ထဲက ဒုတိယ စာကြောင်းကို copy ယူပြီး Time Line 3. ပေါ်မှာပဲ တတိယစာသားဖိုင်ရဲ့ အဆုံးနားမှာ အောက်ကပုံအတိုင်း paste နဲ့ ထည့်ပါ..။
အပေါ်ပုံအတိုင်း Modify ကို နှိပ်ပြီး စတုတ္ထစာကြောင်းကို Notepad မှာ အောက်ကပုံလေးအတိုင်း copy သွားယူပါတယ်..။
ပြီးရင်တော့ စတုတ္ထစာသားဖိုင်ရဲ့ Modify ဘောက်စ်ထဲမှာ အပေါ်ပုံအတိုင်း paste နဲ့ ထည့်၊ အောက်ကပုံအတိုင်း ပေါ်စေချင်တဲ့ နေရာမှာ စာသားကို ရွှေ့ယူ ထားပေးပြီး Save ပေးလိုက်ပါ..။
စာသားဖိုင်တွေကို တစ်ခုစီ အသံနဲ့ စာသား အပေါ်၊အပြောက် တူညီဖို့အတွက် တစ်ခုကို Modify ပြီးတိုင်း ဒုတိယ စာသားဖိုင်ကို လုပ်ပြထားသလို စာသားဖိုင် အတိုအရှည် ပြန်လည်ချိန်ယူရမှာ ဖြစ်ပါတယ်..။ ဒါမှသာ သီချင်းသံစဉ်နဲ့ စာသား အဝင်အထွက်တွေ တူညီမှု ရှိပြီး ကြည့်ရအဆင်ပြေစေမှာပဲ ဖြစ်ပါတယ်..။ အောက်ကပုံကတော့ စာသားဖိုင် ၄-ခု ကို ကျနော် ချိန်ညှိထားပြီး ဖြစ်လို့ Play နဲ့ ပြန်စမ်းဖွင့် ကြည့်တာပဲ ဖြစ်ပါတယ်..။ အရင်စာသားတွေ ညီညာပြီဆိုမှ နောက်စာသားတွေကိုလည်း အရင်အပေါ်ပိုင်းမှာ လုပ်ပြပေးထားတဲ့ နည်းအတိုင်း တခုစီ Modify ချိန်ယူရမှာ ဖြစ်ပါတယ်..။
လုပ်လက်စတွေ ခဏနားထားအုန်းမည် ဖြစ်လို့ အပေါ်ဆုံးမှာ ဖွင့်သုံးခဲ့တဲ့ Project ထဲမှာပဲ အောက်ကပုံလေးအတိုင်း Save Project နဲ့ ပြန်သိမ်းထားလိုက်ပါပြီ..။ နောက်တင်မယ့် ပိုစ့်တွေလုပ်မှ ပြန်ဖွင့်သုံးဖို့ပါ..။
ဒီနေ့လေ့ကျင့်ခန်း အပိုင်း(၃) ပိုစ့်ကိုတော့ ဒီလောက်နဲ့ပဲ ရပ်နားထားပါအုန်းမည်..။ နောက်ရက်တွေမှာ ဆက်လက်ပြီး ကျန်ရှိနေသေးတဲ့ လုပ်နည်းတွေကို နောက်ထပ်အပိုင်းတွေ ခွဲပြီး ထပ်တင်ပေးပါအုန်းမည်..။ အားလုံးပဲ လေ့လာရင်း တတ်မြောက်ပျော်ရွှင်နိုင်ကြပါစေ..။
Video Editing အခြေခံ လေ့ကျင့်ခန်း အပိုင်း-လေး
ဒီနေ့ Video Edit အပိုင်း-လေး ပိုစ့်မှာတော့.. လေ့လာခါစသူများအတွက် Video Edit နည်းပညာကို အနည်းငယ် ပိုမိုလုပ်တတ်အောင် လုပ်နည်း၊ အသုံးပြုနည်းလေးတွေ ထပ်တင်ပြပေးလိုက်ပါတယ်..။ စာသားတွေ အဝင် အထွက်မှာ Effects လေးတွေထည့်သုံးနည်း၊ မိမိတို့ရဲ့ video ကို မိမိတို့ပြလိုတဲ့ နေရာလေးကို ပုံကြီးချဲ့ပြလို့ရတဲ့ Zoom ဆွဲနည်း၊ video ရဲ့ လိုချင်တဲ့ အပိုင်းလေးကို နောက်ပြန်သွား (နောက်ပြန်လမ်းလျှောက်အောင်) လုပ်နည်း၊ နှေးနှေးပြလိုတဲ့ video အပိုင်းကို Slow Motion ဖြစ်အောင်လုပ်နည်း၊ ပုံမှန်ထက် အရမ်းမြန်အောင် လုပ်နည်း၊ video တွေကို ဒေါင်လိုက် ပြောင်းပြန် စသဖြင့် လိုသလို လှည့်ပါတ် ပြနည်း၊ နောက်တခုကတော့ မိမိတို့ရဲ့ video ကို အရောင်မျိုးစုံပြောင်းတာ ကာလာတင်တာ၊ ကာလာလျှော့တာ၊ အဖြူအမဲ၊ video နှစ်ပိုင်းခွဲပြနည်းတွေပါ ဒီနေ့ အပိုင်း-လေး ပိုစ့်မှာ ရှင်းပြပေးထားပါတယ်..။
Cyberlink Power Director 11
အပိုင်း-သုံး ပိုစ့်မှာ သိမ်းထားခဲ့တဲ့ Projects ဖိုင်ကို အရင်ပိုစ့်တွေအတိုင်း ပြန်ထည့်ပြီး စာသားနေရာကို အောက်ကပုံလေးအတိုင်း Modify နဲ့ စာသား Effects လေးတွေ ထည့်ပါမယ်..။
အောက်ကပုံမှာ မြင်ရတဲ့ Text >> Character Presets နေရာမှာတော့ စာလုံးဒီဇိုင်းမျိုးစုံကို ရွေးယူအသုံးပြုနိုင်ပါတယ်..။ ပုံမှာ မြင်ရတဲ့အတိုင်း ကျနော် ဒီဇိုင်းတစ်ခုကို ယူသုံးပါတယ်..။ ဒီဘက်က မျှားအဝါရောင်နဲ့ ပြထားတဲ့ နေရာက စာကြောင်းလေးကို အရင် Select ပေးပြီးမှ စာလုံးဒီဇိုင်းကို ယူပါ..။ ပုံမှာ မြင်ရတဲ့အတိုင်း စာကြောင်းလေးက လေးထောင့်ကွက်လေးတွေ ပြောင်းသွားတဲ့အခါ Zawgyi -One ကို ပြောင်းပေးခြင်းဖြင့် အောက်ဒုတိယပုံလေးအတိုင်း စာကြောင်းလေး ပြန်ပေါ်လာမှာ ဖြစ်ပါတယ်..။
နောက်တခုကတော့ ဒီစာကြောင်းလေးတွကို Effects တွေ ထည့်လိုရင်တော့ Motion နေရာကို ကလစ်ပြီး Starting နဲ့ Ending Effects တွေကို လိုသလို အသုံးပြုနိုင်ပါတယ်..။ Starting နေရာကတော့ စာကြောင်း အဝင် ဝဲပျံကျလာတဲ့ Effects တွေကို ယူသုံးလို့ ရမှာ ဖြစ်ပြီး ၊ Ending နေရာမှာတော့ စာကြောင်းလေး အဆုံးမှာ အပေါ်တက် အောက်ဆင်း ဘေးထွက် စသဖြင့် ဖြေးဖြေးခြင်း ပျောက်ကွယ်သွားမယ့် နေရာတွေအတွက် အသုံးဝင်ပါတယ်..။ အရင်ဆုံး ကျနော် Starting Effects ကို စထည့်သုံးပါတယ်..။
အောက်ကပုံမှာ မြင်ရသလို Effects တခုကို ကလစ်ကြည့်ဖြင်းဖြင့် စာကြောင်းလေး ဘယ်လို အလုပ်လုပ်တယ် ဆိုတာ မျှားအဝါရောင်နဲ့ ပြထားသလို ဘေးကနေ ဝင်လာတာမျိုးကို မြင်ရမှာ ဖြစ်ပါတယ်..။
Ending Effects တွေကိုလည်း အပေါ်ကနည်းအတိုင်း စာကြောင်းအဆုံးမှာ ထည့်သုံးဖို့ ဖြစ်တဲ့အတွက် မိမိတို့ ကြိုက်ရာ တစ်ခုကို ကလစ်ကြည့်ခြင်းဖြင့် အောက်ပုံမှာမြင်ရသလို စာကြောင်းလေး ဘယ်လို အဆုံးသတ် သွားတယ်ဆိုတာ မျှားအဝါရောင်နဲ့ ပြထားသလို မြင်ရမှာ ဖြစ်ပါတယ်..။ ဒီပုံက Effects ကတော့ စာကြောင်းလေး အပေါ်ကို ပျံတက်ပျောက်ကွယ်သွားတာ ဖြစ်ပါတယ်..။
နောက်လုပ်နည်း တစ်ခုကတော့ အောက်ကပုံမှာ မြင်နေရတဲ့ အတိုင်း ကျနော် Zoom ဆွဲပြလိုတဲ့ နေရာအပိုင်းကို အရင်ဆုံး Split နဲ့ ဖြတ်ပါတယ်..။
Split နဲ့ ဖြတ်ထားပြီးသား အပိုင်းလေးကို အောက်ကပုံလေးအတိုင်း Select ပေးပါ..။
Power Tool ကနေ Video Crop မှာ အမှန်ခြစ်ပေးပြီး Crop Video ကို ဆက်နှိပ်ပါ..။
ပြီးရင်တော့ မျှားနီပြထားတဲ့အတိုင်း video ရဲ့ မြင်ကွင်းကို မိမိတို့လိုသလောက် ဆွဲသေးလိုက်ပါ..။
အပေါ်ကပုံအတိုင်း သေးပြီးရင်တော့ မိမိတို့ ပုံကြီးချဲ့ပြလိုတဲ့ နေရာကို အောက်ကပုံအတိုင်း မောက်စ်မျှားနဲ့ ဖိဆွဲသွားလိုက်ပါ..။
လိုတဲ့နေရာ ဆွဲထားပြီးရင်တော့ အောက်ကပုံလေးအတိုင်းမြင်နေရတဲ့ နောက်ဆုံးမှာရှိတဲ့ အဝါအစက်ကလေးကို တချက်တောက်ပါ..။ ပြီးရင် အပေါင်း(+) ပါတဲ့ နေရာကို နှိပ်ပြီး Duplicate Previous Keyframe စာသားကို ဆက်နှိပ်ပြီး OK ပေးလိုက်ပါ..။ ဒါဆိုရင် ပုံကြီးချဲ့ပြလိုတဲ့ နေရာကို Screen မှာ အပြည့်ပေါ် မြင်ရပါပြီ..။
ပုံကြီးမြင်ရတဲ့အခါ ကြည်လင်တာ၊ မကြည်လင်ပဲ ဝါးတားတားဖြစ်နေတာတွေက မိမိတို့ video ရဲ့ မူရင်း အရည်အသွေးနဲ့ပဲ ဆိုင်ပါတယ်..။ သဘောက Video ကင်မရာ အကောင်းစားသုံးရင်တော့ ကြည်လင်ပြတ်သားမှာ ဖြစ်ပြီး၊ ကင်မရာ အညံ့စားသုံးရင်တော့ video က ဝါးနေမှာ ဖြစ်ပါတယ်..။
အပေါ်ပုံအတိုင်း Play ကြည့်ခြင်းဖြင့် Zoom နဲ့ ပုံကြီးချဲ့ပြလိုတဲ့ video အပိုင်းနေရာကို မြင်ရပြီ ဖြစ်ပါတယ်..။
အောက်ကပုံမှာ ပြထားတဲ့ လုပ်နည်းကတော့ မိမိတို့ရဲ့ video ထဲက နောက်ပြန်သွားလိုတဲ့ အပိုင်းလေးကို Split နဲ့ အရင် ဖြတ်ထုတ်ပါ..။ ပြီးရင် စလက်ပေးပြီး Power Tools ကို ဝင်ပါ..။ မျှားအစိမ်းနဲ့ ပြထားသလို ဒီပုံက video လေးက Play ကြည့်ရင် ညာဘက်ကို သွားတာဖြစ်ပါတယ်..။
Power Tools ထဲက Video in Reverse နေရာမှာ အမှန်ခြစ်တပ်ပေးပြီး Play ကြည့်ရင် အောက်ကပုံမှာ မျှားအစိမ်းနဲ့ ပြထားသလို မိမိတို့ရဲ့ video လေးက နောက်ပြန်သွားနေမှာ ဖြစ်ပါတယ်..။
နောက်တခုက Slow Motion နဲ့ video တွေကို ပြလိုရင်တော့ အောက်ကပုံလေးအတိုင်း Video Speed မှာအမှန်ခြစ်တပ်ပြီး အနုတ်ကို(-) ကိုနှိပ် (သို့) အလယ်က တုံးလေးကို မောက်စ်နဲ့ ဖိဆွဲကပ်ပေးလိုက်ပါ..။ ဒီနေရာမှာတော့ အနှေး အမြန်ကို မိမိတို့ စိတ်ကြိုက်ဖြစ်အောင် လိုသလို ဖြေးဖြေးခြင်း ချိန်ယူရမှာ ဖြစ်ပါတယ်..။ မျှားအဝါနဲ့ ပြထားသလို video အပိုင်းလေး ရှည်ထွက်လာရင် ၎င်း video အပိုင်းက Slow Motion နဲ့ ဖြေးဖြေးခြင်း သွားမှာဖြစ်ပါတယ်..။ မျှားအစိမ်းနဲ့ပြထားတဲ့ အပေါင်း(+) ဘက်ကို တုံးလေး ကပ်ပေးလိုက်ရင်တော့ ၎င်း video အပိုင်းကို ပိုမြန်အောင် မြန်သထက်မြန်အောင် သွားစေမှာပဲ ဖြစ်ပါတယ်..။ ဒီအပိုင်းတွေကိုတော့ မိမိတို့ကိုယ်တိုင်ပဲ ဖြေးဖြေးခြင်း လက်တွေ့ လေ့လာယူရမှာ ဖြစ်ပါတယ်..။
အောက်ကပုံလေးတွေမှာ မြင်ရတဲ့ Video Rotation ကို အမှန်ခြစ်ပေးပြီး မျှားလေးတွေကို တချက်စီကလစ် ကြည့်ခြင်းဖြင့် အောက်ကပုံလေးတွေအတိုင်း video တွေကို ဒေါင်လိုက် ပြောင်းပြန် ပေါ်နေစေမှာ ဖြစ်ပါတယ်..။
နောက်အသုံးပြုနည်းတခုက Keyframe နေရာမှာ ဝင်ပြီး Fix/Enchance နေရာက လေးထောင့်အကွက်လေးကို ကလစ်ကြည့်ခြင်းဖြင့် ပုံမှာမြင်ရသလို မိမိတို့ရဲ့ video ကို နှစ်ပိုင်းခွဲထုတ် ဖေါ်ပြပေးမှာ ဖြစ်ပါတယ်..။
Video Enchancement နေရာကနေ ဝင်ပြီး အောက်ကပုံလေးအတိုင်း အဝါရောင်နဲ့ ဝိုင်းပြထားတဲ့ နေရာတွေမှာလို မိမိတို့ရဲ့ video ကို လိုသလို အလင်းအမှောင်နဲ့ ကာလာအရောင်တွေ ပြောင်းလဲ အသုံးပြုနိုင်ပါတယ်..။
နောက်ပြီး Fix/Enchance နေရာကနေ ဝင်ပြီး အောက်ကပုံလေးတွေအတိုင်း အမှန်ခြစ်တွေတပ်ကြည့်၊ တခုပြီး တခု ကာလာအလင်း အမှောင်နဲ့ အဖြူအမဲ တွေကို မိမိတို့ရဲ့ video တွေမှာ လိုသလို ပြောင်းလဲ အသုံးပြုနိုင်ပါတယ်..။
ဒီနေ့ပိုစ့်မှာ တင်ပေးလိုက်တဲ့ Video Edit လုပ်နည်းလေးတွေက လေ့လာစလူသစ်တွေအတွက် အသုံးပြုတတ်ရန် ရည်ရွယ်ပြီး တင်ပေးလိုက်ခြင်းဖြစ်ပါတယ်..။ ကျနော် DVD ခွေထုတ်ပေးလိုက်တဲ့ သီချင်းခွေထဲမှာ ဒီပိုစ့်က လုပ်နည်းတွေ မပါပါဘူး..။ ဒီလုပ်နည်းလေးတွေကိုလည်း သိစေချင် တတ်စေချင်တဲ့အတွက် ဒီအပိုင်း-လေး ပိုစ့်မှာ တင်ပြပေးလိုက်တာပါ..။ နောက်တင်မယ့် အပိုင်းတွေမှာတော့ DVD အခွေထုတ်နည်းတွေကို ဆက်လက်တင်ပြပေးသွားပါမည်..။ အားလုံးပဲ အလွယ်တကူ လေ့လာ တတ်မြောက်နိုင်ကြပါစေ..။
မူရင်းလင့် - http://lwinminbo.blogspot.com
0 အကြံပြုစာရေးရန်:
Post a Comment